Burom riew shlur Kargil ka BJYM

Shillong, 27 Naitung:
Ka Bharatiya Janata Yuva Morcha (BJP Youth Wing) Meghalaya ka pynlong iaka jingrakhe kyrpang iaka Kargil Vijay Diwas ban pyndon burom ia ki shipai ka ri kiba khlad ha ka thma Kargil India pyrshah iaka Pakistan ha u snem 1999 kumjuh ruh kane ka sngi kadei ka sngi ba ka ri India ka jop ia ka thma pyrshah iaka Pakistan haka 26 Naitung 1999.           
Ka BJYM ka la leit ban buh syntiew ha u Mot sah kynmaw Jong u Shipai Khasi uba la aiti la ka jingim haka thma kargil u kapten Keishing Clifford Nongrum ha 101 Rhino Musuem Shillong bad la pynlong ia ka jingsngap jar kumba 2 minit bad ka Jing duwai ba jar jar jong ki dkhot baka mynsiem jong ki riew shlur kin ioh iaka Jingjah thait hakhmat u blei kumjuh ruh ba ka mynsiem shynrang ba shlur jong ki kan nang kyrsoi haki khun samla ka ri ban long kiba khreh ban ialeh na ka bynta ban ieng iada bad kyntiew iala ka ri bad ka jaidbynriew.
Kane ka prokram la pyniaid da ka BJYM haka jingialam u president u samla Egenstar Kurkalang ryngkat u general secretary bad Ki dkhot la synran lang ruh da u State President ka BJP u bah Khlursing Lyngdoh bad U General Secretary u Dipayan Chakraborty.