Shillong: Ha ka sngi 21tarik Iaiong, na ka liang ka HYC war jaintia circle ha ryngkat ka War Jaintia Youth organization Shillong unit, ki la ioh ban ia kynduh iaki nong pyniaid jong ki company Jio bad ka Airtel ha Shillong halor ka jingthut ka network man ka por hapoh ka thain. Haba ia kren ia kine ki heh ki company ka daw hi ka long ki ong ba man ka por ka duh network ba thut palat ka light, namar shibun hi ki shnong kiba don ki tower Network ki pyndonkam da ka light, ki battery ruh kim lah shuh ban back up shibun kynta.
La kyntu, ba nangne shakhmat, ym dei shuh ba ka network kan nang thut, khnang ba u paidbah uba treikam da ki network, kin ym mad jingeh.
“Na ka liang jong ngi ki seng ngin iaid budien halor ka jingduh network ki para thain jong ngi bad ngi la ai por ia ki ban pynbiang ia ki network katto katne taiew, lada kim lah ban pynbiang ka seng kan sa leh ia kaba donkam” ong ka kyrwoh na U president ka Hyc war jaintia circle, samla Yoodahunki shylla bad u samla Tam pohthmi general secretary ka War Jaintia youth’s organization Shillong Unit.
Phi don ban ong eiei?