Shillong: Ka Meghalaya, ka ia khaid mynta ka sngi, ha ka jing ialeh kai pyrshah ia ka Kerala, da kaba ki ia ioh thep mar ar kol, ha ka jing ialehkai Santosh Trophy, ha ka madan Manjeri Payyanad Football Stadium ha Kerala.
U M Muhammed Safnad, ula ioh thep ia ka kol kaba nyngkong ha ka minit kaba 17; hadien kata, ula ioh thep biang, tangba ym shym la khein kol, namar ba ka dei ka offside.
Ha ka minit kaba 40, U bah Atlanson Kharmaw, ula ioh thep, da kaba ia kylliang da ka ialehkai khlieh bad U bah Kynsaibor Lhuid, ha kaba ka la poi sha ka jing iakhaid.
U Figo Syndai, ula ioh thep ia ka kol kaba ar, ha ka minit kaba 55, hynrei ha ka minit kaba 58, U Muhammed Saheef, jong ka Kerala, ula ioh thep kol bad ka la poi sha ka jing iakhaid.
U Bah Frolicson Dkhar, u la ioh rah ia ka nam u nongialehkai ba tbit tam mynta ka sngi bad u dei u nongap kol jong ka Meghalaya.
Ka Meghalaya, ka don mynta 4 point, da kaba ka pynliem ia ka Rajasthan ha ka Lah Sngi U Blei bad kan ia kynduh ia ka West Bengal, ha ka sngi thohdieng, ha ka por 4baje nohsngi.
Nangkiew shaphang samla Khasi jong ngi 👍👍