Shillong:U Myntri Rangbah ka jylla u Conrad K Sangma, myn hynnin ka sngi u la pyntip lyngba ka twitter ba ka Sorkar Pdeng ka la ai ïa ka jing mynjur ban ai pisa T.43.70 klur ban shna pynbha ïa ka surok Dawki sha Amlarem na ka bynta 14.900 km kaba dei jong ka surok bah NH-40E bad myn ta ka la kylla sha ka surok bah NH-206.
Ïa kane ka shithi ba ka sorkar pdeng ka la mang pisa la phah sha u Secretary jong ka tnat PWD jong ka sorkar Meghalaya, la ong ba ka sorkar jylla ka la pan ïa katei ka pisa na ka Sorkar Pdeng ha u snem 2021 ban pynbha ïa katei ka surok bad ka jingpan ka long T.50 klur bad ka sorkar pdeng ka la mynjur ban ai T.43.70 klur.
Ha kajuh ka por ka Sorkar Pdeng lyngba u Kamal Prakash ba dei Under Secretary ka Sorkar Pdeng ka la bthah shai kdar ba katei ka pisa la mang halor ka nongrim ba ïa ka jingtrei dei ban pyndep ha ka por kaba biang katkum ki kyndon kiba la buh bad bthah.
Katno percent kin ia bhah ha pdeng ki heh ki hain ka dei ka jing kylli Mynta…Hangne ruh ngin sa iohi ka corruption.Ka centre ka dei ban monitor bha iaka pisa bad quality of work namar kan don biet ka jing thep pisa ha pla ki babus and ministers.