Dei kane ka sorkar, ka bym larkam tam na baroh, ong ka TMC

Shillong:Ka seng Trinamool Congress, ha ka sngi palei ba ladep, ka la pynkha ïa ka tnad kyrpang ka ban peit beit thik ïa ka kam pule dangle bad ka jingeh kaba ki khynnah pule ki ïa kynduh.

Haba kren sha ki lad pathai khubor, u Samla Bansharailang Pyngrope u la ïathuh ba na ka liang ka seng ka la pynskhem ïa ki dkhot bad ki nongkit kam ha ka state level bad ki la thung ïa u kum u President ba pura nalor kiwei pat ki office bearers kiba kynthup ïa u Bansharailang Pyngrope President, Vice President Shri. Changkam Sangma, bad ki General Secratary kiba kynthup ïa u Landingstar Nongbri, Shri. Browline Sangma Shri. Damiyo Lamare Shri. Alian B Marak bad kiwei de ki secretary.

Shuh shuh na ka liang utei u nongïalam ka Trinamool Congress Students Union (Meghalaya) u la takraiñ tyngeh ïa ka sorkar bad ki jingbym ler jong ka. Peit ha ka ïohkam ïohjam, ka jingkynrei ka jingpep skul shiteng por ki khynnah bad ha baroh ki liang ngi don ka jinghiar lut na ka daw ka jingbym ler ka sorkar bynrap u Bansharailang. Shuh shuh u la ong ba naduh ba ngi ïoh ïa ka jylla dei kane ka sorkar ka bym ler tam na baroh.

Haba kren ha kaba ïadei bad ka kam pynbeit pud na ka liang utei u nongïalam u la ong ba ka jinglong ñiangkohnguh ka sorkar Meghalaya ïa ka sorkar Assam ka pynlong ba ka jylla kan duh ei ia ki jaka ha ki thaiñ khappud.
Shuh shuh u Bansharailang Pyngrope u la khot la wer ia baroh ki samla kiba don ka jingkit khlieh na bynta ka bit ka biang jong ka jylla ba kin wan pynïasoh bad ki.