Kem ki pulit, ia uba shalan tiar siat

Nongstoin, 26 Naitung :
Hadien ka jingioh jingngtip ka ba bniah ba ju don ki briew kiba ju khaii tiar siat beain ha ka thain Shallang, ki bor pulit ka Shallang PS, ki la pynlong ia ka jingap pahara kaba jur ha katei ka thain bad ki la pynlong ruh ia ka jingtalasi ia ki kali khnang ban lap ksai ia kiba don kti ha katei ka kam be ain.
U bah S. Nongtnger SP ka WKHD, u la ong ba katei ka jingtrei shitom ka tnad pulit na Shallang PS, kam shym la lehnoh ei satia, ha kaba mynta ka janmiet jong ka sngi u Blei kila ioh ban kem noh ia u wei u snar khaii tiar siat beain na ka Shnong Nongchram kaba don ha ki thain Shallang.
Ia u tei u ba la shah kem noh la tip kyrteng kum u Prem R Sangma, u ba dei u snar khaii tiar siat ba shyrkhei na Byrnihat, u ba dang wan da ka sumno na Tura sha Shallang da ka jingthmu ban shalan ia ki tiar siat sha ki kynhun kai khlaw ha katei ka thain.
ki pulit kila ioh ban kurup ruh kawei ka pistol na u, ki pulit kila dep ban register case pyrshah ia u bad ka jingtohkit ka dang iaid shakhmat.