La iaid ar taiew, ym tip daw; ba pang ki 5ngut na U Yummi rSah khongreng ki Laboratary bym don nongtrei

Shillong, 23 Naitung:
Ka la long haduh 15 sngi eiei naduh ba ka Assistant Commissioner ka Food and Safety ka la phah sha ka jaka tohkitsha Guwahati ia u jingbam Yummy, hynrei haduh mynta khlem pat poi satia ka jubab.
U Rupang u la ioh ban iakren bad ka Assistant Commissioner ka FoodSafety, ka Kong DBS Mukhim mynta ka sngi, ka la ong ba kam patioh ia ka kaiphod na Guwahati ba la phah tohkit ia u jingbam yum myhadien ba la ioh kem pang san ngut ki khynnah ba la pyndonkam ia une ujingbam.
“Nga la phah 7 tarik Naitung sha ka Public Health Laboratory ha Guwahati”, la iathuh Kong Mukhim.
Ha ka 5 tarik Nai tung, san ngut ki khynnah na shnong Lawsohtun, lakam ba ki la kem pang hadien ba la bam ia u yummy bad la pynkit shajaka sumar ia ki.
Ka Kong Mukhim ka la ong ba ha ka jingshisha ka Laboratory ka don hakane ka nongbah Shillong ban leh ia ki jing tohkit, ia ki jingbam ba sniew babha, hynrei namar bym don u nongtrei Food Analyst, ym lah ban leh hangne. “Namar bym don u Food Analyst hangne, la hap ban phah test noh shaduhGuwahati”, la ong ka Asst Commssioner ka Food Safety.
Katkum ka jingong ka Kong Mukhim, ha ka jingshisha, ka dei ban ioh iaka repod namar ka la bun sngi la dep phah. Kala iathuh ba lada lap ha ka jingtohkit, ba u jingbam u sniew shisha, katnad kan sa ujor mukotduma ia u nongdie, ia ka kompeni shna jingbam. Ha kajuh ka por, ka la iathuh ba haduh mynta ki jingbam khutia mutiaba la shah khang ban die ha iew, dei tang u jingbam Maggi hynrei kiweikim pat don kano kano ka jingpynmih hukum na ka sorkar ban khang ia ki.