Khynra dukan bam ka KSU Laitumkhrah Unit, lap ia ka jing lehsih ki dukan dkhar

Shillong: Ka Khasi Students’ Union Laitumkhrah Unit hadien ba la ioh jingujor na ki paidbah namar ka bajur palat ka jingleh sih bad leh bym suit ñiew ki dairy dkhar, hotel bapher bapher bad ki katto katne ki jaka bamja ha Laitumkhrah. Kumta mynta ka 12tarik, ïaiong 2022 ki la leit jurip mardor bad la lap shisha ia ka jingleh sih ki bar jylla kaba ijli bad kaba lah ban ktah ia ka koit ka khiah ki paidbah.

Kumta, ka Seng ha katei ka jing jurip ka la maham da kaba tyngeh ia kitei ki jaka bam, ba kynthup ka Prakash hotel, Angel Hotel, Kalpatru, Naveen Sweets, Volgo, Pratima, Ashirwaad, Rajshree Sweets bad Foodies ba ki dei ban lehkhuid leh suba bad lah btah ruh ban khang shwa lashai ka sngi khnang ba kin pynkhuid pura bha ia ka jaka shet jaka khlieh bad la bthah ruh ba nangne shakhmat kin hap lehkhuid leh subu, lym kumta lada ka ka Seng kan lap biang sa shisien kan shim da ka sienjam kaba tyngeh.

Khatduh, ka kyrwoh jongka seng ka dawa ia ki food inspectors ban hiar jurip manla u bnai khnang ban lah tehlakam shisyndon ia ki jinglehsih ki jaka bam bapher bapher, shuh shuh na ka liang ka seng ka kyntu jur ia ki paidbah ban husiar bha shuwa ban leit bam ha ki dukan bar jylla khnang ban lait na kum kitei ki jaka bam ki bym shngaiñ satia ia ka koit ka khiah.