Ka shnong Tyrso ka khlem ujor ejahar, halor ka jingshah ki bar jylla ha Iew Tyrso

Nongpoh: Haba iadei bad ka jingmih khubor bad kaba la don ka jingshah kynnoh ba ka shnong Tyrso, ka la ujor ejahar pyrshah ia ki riew teh khmat ialade bad kiba la leit ban shoh ia ki bar jylla, kiba shong dukan ha Iew ba long shisien shi Taiew ha shnong Tyrso, hynrei na ka liang ka shnong, ka la mih shakhmat ban pynshai paidbah halor katei ka jingshah pynbud nam, da kaba ong ba ka shnong, ka buh satia ia kano kano ka jingujor sha ki Pulit.

Haba iadei bad katei ka khubor, kaba la mih bad kaba la ong ba ka shnong Tyrso ka la ujor ia kitei ki briew kiba la wan ban shoh ia kitei ki bar jylla kiba shong hapoh katei ka iew, ka dei ka jingbakla da u Nongthohkhubor, kumta la pynbeit noh, halor kane ka jingpynmih ia katei ka khubor, kaba la wanrah ia ka jingpyn budnam ia ka shnong Tyrso hi baroh kawei.