Ba jur ka jingtwa ka surok ha shi lynter ka surok Shillong-Dawki, sah kut lut ki kali

Shillong: Namar ka jingjur u lap bah ha ki thaiñ Pynursla, la bun bun sngi mynta ka la don ka jingtwa ki surok ha shi lynter surok. Kymba long mynta ar tylli ki jaka ba ka jingtwa kaba jur ha Rngain ha kaba ki kali kiba mut leit sha Shillong na ki thaiñ Pynursla bad kiba mut leit Pynursla kiba bun kiba la hap leit phai biang noh na ka daw ka jingjur palat ka jingjulor ka jingtwa.

Ha kane ka jingtwa la don ruh kawei ka kali Alto kaba la shah ban ha ka khyndew kaba mut leit sha ki thaiñ Pynursla. Kumba long mynta na ka liang ka Kompeni ba pyntrei ïa katei ka surok ka la trei shitom ban weng lut ia ki maw bad ka khyndew ba hap ha kane ka surok. Kane ka jaka ba don kane ka jingtwa ka dei ha ka jaka ba ki juh tih maw ym satia ha jaka ba tih ban pynheh surok.