Shillong:Ki nongialam jong ka Hynniewtrep Integrated Territorial Organisation (HITO), myn hynnin ka sngi ki la mih sha khmat ban kynnoh pyrshah ia ki sorkar ba la ialam da ki nong mihkhmat na Rilum Garo, ba ki la leh shiliang ban pyntrei kam ia ki skim kiba wan na ka sorkar pdeng.
Na ka liang ka seng ka la kynnoh ba ki sorkar kiba la ialam da ki nongmih khmat ka Rilum Garo ki leh shiliang ia ka jylla da ka ba ki khlem pyntrei kam ia kine ki skim sha kiwei ki bynta ha ka jylla, hynrei ki la theh lut ia ki kam pynroi sha ka West Garo Hills District.
Haba iathuh halor kane ka bynta na ka liang u bah Wanbud Dkhar u General Secretary ka HITO sengkmie, u la iathuh ba ia kane ka jingleh shiliang la lap lyngba ka jingwad ia ka RTI halor ka skim Pradhan Mantri Jan Vikas Karyakram (PMJVK) na ka Ministry of Monority Affair (MMA) na Delhi ka ba la pynmang na ka bynta ki jylla ba don ki rit paid”.
“Kat kum ka RTI ba ngi ioh ha ka 21 tarik Risaw 2021 na ka ophis jong ka MNA ka la pynpaw ba wat la kane ka skim ka dei na ka bynta ka jylla baroh kawei hynrei la pyntrei kam ia kane ka skim tang na ka bynta ka West Garo Hills District” u la bynrap.
U la ong ruh “Kane ka jingleit theh ia ki kam pynroi tang sha Rilum Garo ka paw shai ba ka sorkar MDA ka niew Meghalaya tang ia ka West Garo Hills ym ia kiwei kiwei ki bynta ki ba don ha ka jylla”.
U bah Dkhar u la kdew ruh ba ka jingleh shiliang jong ki nongialam Garo kam dei tang ha ka sorkar MDA, hynrei ia kane la lap ruh naduh ka por u nongialam ka sorkar MUA, u Dr Mukul Sangma ha kaba ia ka skim kaba la mang pisa T.5.74 klur jong ka Ministry of Tribal Affairs,Delhi ban thaw ia ka Tribal Research Institue la pyntrei tang ha West Garo Hills ym sha kiwei kiwei ki District ha ka jylla. U la ong ba da ka jingleh shiliang ka sorkar MDA bad ka Sorkar MUA ban pyntrei kam ia kine ki skim ka sorkar ha ka jylla ka la iaid lait ia ki kyndon jong ka Ministry.
Na ka liang ka HITO ka la dep phah da ka dorkhas sha u Myntri rangbah ka jylla u Conrad K Sangma, ban pynshai halor ka jingpyntreikam ia ka skim PMJVK, tang ha West Garo Hilss District.
Haba ia kren bad u President ka seng u bah Donboklang Dkhar, u la ong ba na ka liang ka seng ka la aipor ia ka sorkar ba ka dei ban jubab ia kane ka phang bad u la bynrap ruh ba ka seng kan sa hiar ruh ban ia kynduh ia ki khlieh nongsynshar Hima ban pynkhlain ia ka jingdawa ban ioh la ka jong ka jylla kata “ka Khasi State”.
“Ngim don ia kano kano ka jingsngew ia pher jaitbynriew, hynrei ka dei ka sorkar ba rim bad ka thymmai ba ngi ruh ngi la sngew donkam ban dawa noh la ka jong ka Khasi State bad ruh ban dawa la ka jong ka Reserve policy bad ka jingmyntoi na ka bynta ka Ri Khasi Jaintia lade”u la bynrap.
Kadei,bah ka jingkren jongphi,nga kyrshan 100pc,iaphi khamtam ban nym Noh shiliang ki Kam pynroi ne kino kino ki bynta,kalah dei ban ioh Noh da ka Khasi land,
Ha ba long nongialam u Garo te.. leh shuh kmno kn bah namar ki Nongmihkhmat jong ngi khasi Kim don kam ia ka development ..tang ban ioh sher ia lade la biang dei na kata ka daw baroh ki scheme central poi lut sha Garo .