Lashai ka sngi, yn khie eriong bad tied pyrthat ha ka jylla, jur ka jinghap slap hynnin ha Sohra

Shillong: Lashai ka sngi, kan don ka jinghap slap, ha ka nongbah Shillong bad ha ki jaka ba marjan. Nangta kan don ka jingtied pyrthat bad ka jingkhie eriong, ha ki bynta ka jylla, ha kaba ka jingbeh lyer, kan long hapdeng ka 30 haduh 40 Kilometre ha ka shi kynta.

Mynta ka sngi, kam don satia ka jinghap slap, ha Shillong, Sohra bad Umiam; hynrei hynnin ka sngi, ka don ka jinghap slap kaba jur bha ha Sohra, ha kaba ka la poi sha ka 146.8mm.