Shillong:Haba u nonglum khubor U Rupang, u pyrshang ban wad jingtip ia ka lad ba ka MBOSE ka ai ia ki khynnah skul ba thoh Exam clas 10 bad 12, ba la pyniaid da ka board, na bynta ki khynnah kiba ym shem la lah ban pas, la iathuh ba na ka liang ka board ka ai lad ia ki khynnah ba kin thoh biang, tang ia ki subject ba kim lah ban pass kum ki Compartmental Candidate bad ka ai lad ruh ia ki khynnah ban thoh biang ia ki subject ba ki kwah ban kham pynheh mark ne Improvement.
Ha kaba iadei bad ka Practical ne ki Internal mark la ong ba mynta ka board ka ai lad beit tang ia theory ha kaba ia ki practical ne internal mark la shu rah ne carry over na ka exam ba ki la dep leh. Shuh shuh la ioh jingtip ba ki khynnah ki lah ban thoh ia kane ka exam tang ha ka snem ba bud jong ka exam ba ki ba ki fail ne ki rit mark. Ha kaba iadei bad ka bai exam la ioh jingtip ba ka board ka ju pynmih ia ka jingpynbna man ka por ba dei pyndap ia ki form thoh exam kata ha ki bnai ba kut ki exam selection.
Shuh shuh U Rupang u la ioh jingtip ba ia ki khynnah skul ba don jingduna dkhot met kim ju donkam satia ban siew ia kino kino ki bai exam sha ka board.
Phi don ban ong eiei?