Shah kem 5, ba suba nongrahbor

Shillong, 19 Naitung:
Ha ka sngi thoh dieng jong ka taiew ba la dep 5 ngut ki suba nongrah bor ki la shah kem ha ki pulit na Dobasipara kaba don ha Tura bad katei ka jingkem ia ki ka dei ha dien ba ki pulit ki la suba ba ki dei kiba donkti ha kiba bunbah ki kam rah bor ha ri lum Garo.
“Ngi suba jur ba kitei ki san ngut ki dei kiba donkti ha ka kam rahbor kiba bun ha Tura bad Ampati” ong u SP ka West Garo Hills u Mukesh Singh. Ki 5 ngut kiba la shah kem ki dei kiba la tip kyrteng kum u Elarin Sangma, Jespar Sangma, Jangjang Marak,  Tesrang Sangma bad u Sukhar Marak, baroh kitei ki dang don ha ka rta kaba 20. Napdeng kitei ki 5 ngut ki pulit ki ka ong ba u Jespar bad u Jangjang ki dei ki dkhot barim ka A’chik National Volunteers Council (ANVC-B).
Katkum ka jingong ki pulit ki la suba ba kitei ki 5 ngut ki dei kiba donkti ha ki 20 tylli ki kam rahbor kiba jia ha Gro Hills, bad la kem ia ki hadien ka jingshah kem u Hafizur Rahman,uba sah ha South Salmara , Assam, uba la shah kem pat na South West Garo Hills. Ki pulit ki la ong ba u Rehman u dei u ba don jingiadei sos sop bad ki kynhun ki runar rahbor bad da ka jingaiksai jong u la kem ia kitei ki 5 ngut.