Sa kawei ka lok thymmai, kaba dang 32 snem, ioh u myntri rangbahduh barim ka Italy

Katba ka pyrthei, ka dang iakhun ia ka thma iaknieh bor ha Ukraine, hynrei U Silvio Berlusconi, myntri rangbahduh barim jong ka Italy, u dang iakhun ia ka thma jong ka jingieid bad kata ka long, ba ula lah ha kane ka kynti, ban ia poi kha bad ka thei samla, kaba ula shwa ma u, haduh 53 snem ka rta.

U Berlusconi, ula don mynta 85 snem ka rta bad u dang shu dep ia poi kha shen bad ka Marta Fascina, kaba dang 32 snem ka rta bad kaba dei ruh ka MP, na ka seng jong U Berlusconi, ka Forza Italia, ha kaba ka jing ia poi kha, ka long ha Villa Gernetto, ha ka nongbah Lesmo, shatei jong ka Milan.

Ki san ngut ki khun heh jong U Berlusconi, ki la khie bitar lep, halor ka jing ioh tnga biang u kpa jongki bad ki da syier mynsiem hi her, ba un lah ban ai lut ia ka spah jongu, kaba £5 billion sha katei ka meinah thymmai jongki

Ka Fascina, ka dei sa kawei pat, ka lok thymmai, kaba U Berlusconi, ula jied na shibun ki kynthei bad kham mynshwa, lah ban pynkynmaw ba ula dep ia pyllait sanshyieng noh bad kawei pat ka thei samla, ka Francesca Pascale ha u snem 2020, na ka daw, ba ka la don 34 snem ha u snem 2020 bad ba U Berlusconi, u shim, ba ka dei kaba la heh rta shibun bad ba kam iahap shuh ban ia poi kha bad u.