Thikna ka UDP, ia ki 4,5 ngut ki MLA, ki ban pyniasoh, ong U Bah Metbah

Shillong:U President ka United Democratic Alliance (UDP)u ba long ruh u Lamphang ka ingdorbar thawain ka jylla u bah Metbah Lyngdoh u la iathuh ba haduh mynta ki don 4 lane 5 ngut ki MLA kiba la thikna ban pyniasoh bad ka party UDP.

Ha kaba ia dei bad ka jingwan ban pyniasoh jong ki MLA sha ka party UDP ki la don saw,san ngut kiba la iakren bad kiba la thikna ba kin wan ban pyniasoh ialade bad ka party UDP, la ong u bah Metbah Lyngdoh u President ka UDP.

Haba kylli halor ka jingbym ia sngewthuh jingmut ha Nongkrem Constituency u bah Lyngdoh, u la ong ba ym pat ioh ban ia kren eiei halor kane ka bynta namar ba don ka dorbar, hynrei namar ba ka dei ka kam pohing jong ka party, u kyrmen ba un sa lah ban pynbeit kloi.
U Bah metbah u la pynpaw ruh ba na ka liang ka party UDP, ha kaba ia dei bad ka mat jingeh jong ki paidbah kam ju sngap jar bad ka ju pynpaw ia ki pyrshah jong ka wat la ka dei kawei na ki party kiba don lang ha ka Sorkar MDA.

U bah Metbah u la iathuh ba na ka liang ka party kan ialeh ban buh ia ki kyrtong ban ia khun ia ka election 2023 na baroh 60 tylli ki Constituency.
“Lada ka long ngin ia leh ban buh ia ki kyrtong jong ngi na baroh 60 tylli ki constituency na ka bynta ban ia khun ia ka election ha u snem 2023″u la ong.