Nongpoh: U Superintendent of Police, Ri Bhoi District, u la pynbna paidbah ba ki Pulit ka Ri Bhoi, ki la phah ia ka Look Out Notice sha baroh ki Police Station kiba don hapoh ka ri, kata na ka bynta ban thwet pyrshah ia u Fridian Myrsing, na ka shnong Mawtari Thaiang, uba la shah kynnoh donkti ha ki katto katne ki kam tuh kam thiem.
Ia utei u Fridian Myrsing, la kynnoh ba u la dei uwei na kiba hakhmat eh haba iadei bad ka jingjia ha shnong Mawtari Thaiang kaba hap hapoh ka Umsohlait Police Station bad uba la shah pynhap ha ka case No.4(9)2021 U/S 380/454 IPC.
La ong ba utei u briew u la jah na katei ka shnong, naduh ba u la leh ia katei ka kam bymman, ha kaba ki pulit ki la pyrshah ban wad bad thwet ia u, hynrei kat haduh mynta kim pat lap satia, dei halor kata ka nongrim kaba la pynlong ia ki pulit ka Ri Bhoi, ba kin pynbna syndon da ka Look Out Notice bad ban pynbna sha baroh ki Police Station kiba don hapoh ka ri, khnang ba kin iarap ha ka ban iohkem ia utei u briew.
Phi don ban ong eiei?