Shah pyniap u khun Dolloi Nongkhlieh

Jowai, 15 Naitung:
Uwei u samla ba dang 18 snem ka rta uba dei ruh u khun jong u dolloi ka Elaka Nong khlieh u la shah pyniap dusmon da kaba pom da ka wait ha ki katne katne ngut ki briew kiba dei na katei ka juh hi ka shnong ha shnongrim.
Katei ka jingjia ka la jia ha ka por 2:30 noh phai sngi mynta ka sngihapoh shnong hi ha Shnongrim, East Jaintia HIlls District. Ki pulit mar synioh jingtip ki la hiar ban tohkit sha katei ka shnong.Ka khubor pulit ka la iathuh ba uwei na ki suba donkti u la wan pyndem hi ha khmat u In charge jong ka Ladrymbai beat House hadien ba u laphet noh na shnong mar syndep leh ia katei ka kam runar. Utei u runar uba la wan pyndem udei uba la tip kyrteng kum u BunlangkiSukhlain. Katba ia kiwei pat kiba donkti, ki pulit ka Saipung bad Khliehriat ki dang thwet ban ioh kem ia ki. Ia ka daw ka jingshah pyniap utei u samla um pat lah satia ban tip.