Haba dawa weng Lyngdoh, pynpra ia ka khyrdop jong ka KHADC

Shillong:Ka Joint Action Committee(JAC) jong ki khun ki hajar ka Hima Sohiong, myn hynnin ka sngi ki la tur sha ophis ka KHADC ha Shillong, ha ka jing ialam u Bah March kupar Thabah ban dawa na u CEM ka KHADC u Bah Titos bad u EM ba peit ia ka tnat Elaka u Jambor War ba dei ban weng noh mardor u Bah Banshemphang Thabah na ka khet Lyngdoh.

Ha kane ka sngi ki paidbah ki la pyrta shla lem ba ki jingthoh ban pynrem ia u CEM bad u EM ia ka jingkuman jong ki ban weng ia u Lyngdoh kumba ki la dawa naduh u snem 2019. Hadien ba ki la shah khang ban let ia kynduh ia u CEM bad u EM ki la pynpra ia ka Gate ban ioh rung hynrei shuwa ba kin ioh rung la wanpoi noh ki pulit ka sorkar jylla ban pahara bad ban tem ia ki paidbah ioh mih kano kano ka jingjia bym sngewtynnad bad hadien kane da ka jingiamynjur na ka liang ka JAC ki la leit ban ia kynduh bad u Bah Martle Mukhim ban pynsngew ia ka jingdawa jong ki.