Nongpoh:U Syiem ka Raid Marwet, u Ken Syiem, myn hynnin ka sngi u la lum ia ki nong ialam shnong jong 7 tylli ki shnong kiba hap hapoh ka Raid bad kiba la shah kynthup ba kin leit noh sha Assam ha kane ka jing pynbeit pud hap deng ka Megha laya bad Assam, lyng ba katei ka jing ialang, ki la shim ia ka rai ba kin pyrshah beit bad ruh ba kin sa phah jingthoh sha u Myntri Rangbah ka sorkar jylla bad ruh sha KHADC, khnang ban don biang ka jingiakren halor ki kam pynbeit pud ha kitei ki shnong, khnang ba kitei ki jaka kin neh biang ha Meghalaya.
Ka nongrim kaba la pynlong ia u Syiem ka Raid ba un hap ban lum ia kitei ki nongialam shnong, ka dei hadien ba ka jingpynbha u Conrad K. Sangma, Myntri Rangbah ka sorkar jylla, uba la ong ba ki la don ki katto katne tylli ki jaka ki don ha Maikhuli Khanapara, Pilangkata, Patharkuchi ba kin leit noh sha Assam. Nalorkata ki la iakren ruh halor ka jingduh noh ia ki katto katne ki jaka kiba la ai jingmyntoi ia ki paidbah, ki kynthup ia ka Dream Land Amusement Park kaba don ha Khanapara bad khamtam eh ia ka Transit camp kaba don ha Khnapara hi.
Kitei ki nongialam shnong, ki la pynpaw ia ka jingsngewsih eh ban tip halor ka jingdon ki katto katne ki jaka ba kin sa leit noh sha Assam bad kiba la ong ruh ba lada kitei ki jaka kin leit noh sha Assam, kan sa wanrah ka jingduhnong kaba khraw eh ia ki paidbah hapoh kitei ki shnong.
Ka sorkar assam kam lah ban knieh jubor ia ka jaka Meghalaya…lada ymdon kiba Don seal ban leit die sop sop…ha ki por bympoi pyrkhat ki ba bun ba lang….wad shwa ia ka tynrai sa ia pyrshah…namar lane ka jing pyrshah tang na suin ka long tang ka kam pushara bad kam lape dpei ban darapjot iala ki kam barieh ki shu kut tang ha ka news lait nangta ki jaka lah leit hi sha ri Thor……u himonto u lalot jaka katne katne dei ba Don ba leit tyrwa….kein lym kumta kumno sha ki Mizoram um nud challenge