Shillong: Ha ka 9 tarik u bnai Lber u Myntri rangbah ka jylla u Conrad K Sangma, un leit sha Delhi ban kynduh ia u Myntri kampohing ka Sorkar Pdeng u Amit Shah ban ia kren halor ka mat ban pynbeit ia u pud u sam hapdeng ka jylla Assam bad Meghalaya.
Haba ia kren bad ki lad pathai khubor, na ka liang u Myntri rangbah ka jylla u Conrad K Sangma, u la iathuh ba ka jingiakren bad ka Ministry of Home Affair (MHA) halor ka mat ban pynbeit noh ia u pud u sam hapdeng ka jylla Assam bad Meghalaya kan long ha ka 9 tarik u bnai Lber ha Delhi.
U myntri rangbah ka jylla, u iathuh ba na ka liang ka MHA ka la pyntip ba ka jingialang ban ia kren halor ka mat u pud u sam yn sa pynlong ha ka 9 tarik u bnai Lber ha Delhi, ha ka por kumba 6:30 lane 7 baje eiei.
U myntri rangbah u la iathuh ba kane ka jingialang kan long ban ia kren tang halor ka mat u pud u sam.
Phi don ban ong eiei?