9tarik, ka Meghalaya Got Talent

Shillong, 6 Jymmang:
Ha ka 9 tarik u jymmang, yn sdang noh ia ka kylla ba nyngkong jong ka jingiakob sei sap na baroh kawei ka jylla ne ka Meghalaya Got Talent, yn pynlong ia katei ka jingiakob ha Don Bosco Anton Hall, Laitumkhrah. Ha katei ka jingiakob ki la don haduh 35 ngut ki nongiashim bynta bad yn khrong bai peitkai ia kiba kwah ban wan peit kai ha katei ka sngi ka ban sdang naduh ka por 9 baje mynstep haduh ka por 7 baje mynmiet.
Shuwa ban sdang ia katei ka rynsan ia pyni sap u bah Kitbok thabah General Secretary jong ka seng kaba pynlong ia katei ka rynsan ka Meghalaya Social Programme Welfare Development Organisation u la ong ba katei ka seng ka la khot shuwa ia ka jingialang ba kyrpang ban ia kren bad ki kmie ki kpa ki samla kiba wan ban ia shim bynta baroh bad katei ka jingialang ka la long ha ka 5 tarik u jymmang ha Lumkshaid Indoor Hall ha kaba la ia kren ia baroh ki jingdonkam bad ki jingduna ha baroh ki liang.