Moscow: Lai ngut ki heh shipai ka Russia, ki la shah pyniap ha Ukraine bad sa ki tup kiba la thoh da ki marka Z, ki la shah ieh khongreng, ha kiba bun ki jaka, ba ki la leit tur thma sha Ukraine.
Ki shipai ka Ukraine, ki iathuh ba ki la ioh kurup biang ia ka Chuhuiv, kaba la ioh kurup, da ki shipai Russia kham mynshwa bad katei ka dei hadien ba ki shipai Russia, ki la bun kiba shah pyniap ha ka thma.
U Lieutenant General Serhiy Shaptala jong ka Ukraine, u kam ba ki shipai jongu, ki la ioh kurup biang ia ka Chuhuiv, na kti ki shipai Russia, da kaba ki la ioh ban pyniap ia bun bah ki shipai ka Russia.
Ha katei ka jingjia, la iathuh ba arngut ki heh shipai ka Russia, ki la shah pyniap, ha ka jing ialeh thma.
Kiba la shah pyniap, ki long U Lieutenant Colonel Dmitry Safronov, Commander ka 61st Seperate Marine Brigade jong ka Russia, U Lieutenant Colonel Denis Glebov, Deputy Commander jong ka 11th Separate Airborne Assault Brigade jong ka Russia. La iohi ruh ia kitei ki tup, kiba don da ki marka “Z” ba la ioh kurup lut, da ki shipai Ukraine lem bad ki lama jong ka ri Ukraine.
Ym tang katta, la iathuh ba sa uwei u heh shipai ka Russia, U Konstantin Zizevsky, ula iap ha katei ka jingialeh thma, ong ka khubor.
Ka Chuhuiv, ka dei ka nongbah kaba rit, kaba don kumba 30,000 ngut ki nongshong shnong bad kaba jngai 22 mer shathie ka Kharkiv, kaba dei ka nongbah kaba ar ka jingheh ha Ukraine.
Phi don ban ong eiei?