Pulom ka rai pynsangeh ia ka thma Ukraine, ba pyneh ka Russia, shah siat sa kawei ka liengsuin

Ka Russia, ka la pyn pulom ia ka jingthmu jong ka U.N. Security Council, ban pynsangeh ia ka jinghiar thma jong katei ka Ri ia ka Ukraine.

Ha ka jing ia thep vote, ki don 11 tylli ki Ri, kiba mynjur ban kyrshan ia katei ka Ri, katba ka Russia, ka la rai ban vote pyrshah ia katei ka Ri bad ka China, India bad ka United Arab Emirates, kiba kyntait ban ia thep vote.

Katei ka rai ka plie lad ia kito kiba iakhun ban pynsangeh ia ka thma, ba kin ioh lad ban leit sha ka dorbar bah jong ka United Nations, kaba don 193 tylli ki Ri, ha kaba yn hap ban shim, ia ka rai jong uba bun, khlem da don shuh ka jingkhanglad da ki dkhot lane kaba ki ong vetoes.

Ha kawei pat ka khubor, ka Ukraine, ka kam, ba ka la siat pynhap ia ka liengsuin jong ka Russia, kaba don bad ki shipai ha katei ka liengsuin. La iathuh ba katei ka liengsuin, Il-76, ka dei kaba kit ia ki marbam mardih, ka la shah siat pynhap hajanVasylkiv, kaba don kumba 40 Kilometre na Kyiv.

Ha kawei pat ka liang, U President ka Ukraine, Volodymyr Zelenskyy, u iathuh ba ki shipai ka Russia, ki la hiar thma ia ka nongbah Kyiv, na ki liang bapher. Haba kren sha ki paidlang ka Ukraine, u iathuh ba ki heh sorkar jong ka Ri, ki don ha ka nongbah bad kim shym la phet satia bad u ong ruh ba ki shipai ka Russia, ki thmu ban ioh kurup noh mardor ia katei ka nongbah jong ka Ukraine.