Hiar thma ki tup bad ki shipai Russia, sha ki jylla rit ka Ukraine

Ki tup ialeh jong U Vladimir Putin, ki la rung mynta ka step phyrngab sha Ukraine bad kitei ki la rung sha ki jylla rit jong katei Ri bad la iathuh ba ki don shiphew hajar ngut ki shipai, kiba la rung sha u pud jong ka Ukraine.

Kitei ki jaka, kiba la leit rung da ki tup bad ki shipai U Vladimir Putin, ki dei ka Donetsk bad ka Luhansk, ha kaba U Putin, u pynbna, ba kitei ki dei noh ar tylli ki Ri kiba laitluid.

Ha shwa ba ki shipai kin rung sha kitei ki jylla rit, U Putin, ula kren sha u paidlang jong ka Ri bad ula ia kynduh ruh ia ka jingialang jong ka security council, ha kaba ula bthah ba kin iaid shakhmat, halor katei ka rai ban pyllait luid ia kitei ki ar tylli ki ri kiba rit.