Nangsyier biang ka Ukraine, ba leit poi sa 7hajar ngut ki shipai Russia sha khappud

Kyiv: Ki paidbah ka Ukraine, ki pyni bor pyrshah ia ka Moscow, da ka jing ia bat paidbah, ia ka lama jong katei ka Ri, hynnin ka sngi, lane kaba pyni ia ka dak jong ka jing ia tylli jong u paidlang ka Ri.

Ha kawei pat ka khubor, ka US, ka kam ba ka Russia, ka la nang phah shipai shuh sa 7,000 ngut eiei ha khappud jong ka Ukraine bad katei ka long da khongpong, na kaba ka Kremlin, ka kam, ba ka la weng ia ki shipai jongka na katei ka thain bad haduh mynta ka United States lem bad ki paralok jongka, ki dang shim ba ka dang don ka jingma kaba khraw ha katei ka thain, ha kaba ka Russia, kan lah ban hiar thma ia ka Ukraine ha kano kano ka por.

Ka Russia, haduh mynta, ka don ia 150,000 ngut ki shipai sha mihngi, shatei bad shathie jong ka Ukraine, katba kum ka jingkhein jong ki pyrman ka ri sepngi.

U Joe Biden, President ka US, ula kren shai, ba ka jingiakren, ka lah ban iaid bad iai bteng bad ka Russia, tang ula pyn thikna ba ka US, kan nym ailad ban knieh ia ka jinglong ri laitluid ka Ukraine bad ba kan synshar dalade bad ialade hi.

U heh sorkar na US, u kam ba ka Russia, ka la phah sa 7hajar ngut ki shipai sha khappud bad ka Ukraine bad kiba bun na kitei ki la leit poi ha ka Sngi balang.