99 ngut kiba ioh pang covid thymmai, khlad ka longkmie na Nartiang

Shillong: U Director ka tnad ka koit ka khiah u Dr Aman War u la iathuh ba mynta ka sngi 307 ngut ki briew ki la ioh ia ka jingkoit ba pura,99 ngut ki dei ki ba dang ioh thymmai ia ka jingpang Covid -19 bad khlad kawei ka long kmie ka ba don ia ka jingpang Covid -19 ha ka jylla.

Na ki 99 ngut ki ba ioh thymmai ia ak ne ka jingpang ki kynthup ia ki 46 ngut na East Khasi Hills District ki ba kynthup ia uwei u Kynhun shipai, 2 ngut ki pulit, 25 ngut ki High Risk Contact, 5 ngut ki ba wan na shabar ka jylla, uwei na Jaiaw, uwei na Mawpat, uwei na Gulflink, uwei Rynjah, 2 ngut na Nongmynsong, 2 ngut na Mawprem Pynthor bah 3 ngut Umlyngka uwei.

Ha Ri Bhoi 29 ngut ki dei ki High Risk Contact, West Jaintia Hills 2 ngut ki kynthup ia uwei u High Risk Contact bad u wei uba na ka jaka screening, North Garo Hills uwei u dei u ba wan phai na shabar ka jylla ha South West Khasi Hills uwei udei u pulit, ha West Garo Hills 12 ngut kynthup ia ki 5 ngut ki kynhun shipai 4 ngut ki High Risk Contact 2 ngut ki ILI case bad uwei u ba wam phai na shabar ka jylla, South Garo Hills 7 ngut kynthup ia ki 5 ngut ki High Risk Contact bad 2 ngut ki nongtrei ka tnad ka koit ka khiah bad ha West Khasi Hills uwei u dei u Pulit.

Kawei ka long kmie kaba don ia ka jingpang Covid -19 kaba la khlad noh mynta ka sngi ka dei ka ba la tip kyrteng kum ka FullMai Dhar 37 snem ka rta ka dei ka ba shong ba sah ha Nartiang.

La wan rah ia ka ne ka long kmie ha Maternity And Child Health Hospital Jowai ha ka 21 tarik u Risaw 2020 ha ka por kumba 1:00 baje mynmiet hynrei ka la khlad noh ha ka por 12 :00 baje mynstep na ka daw ka respiratory failure with Covid -19 infection .ki briew ki ba la khlad na ka ne ka jingpang ki la kot saha ka 78 ngut.

Ki briew ki ba la ioh jingkoit pura mynta ka sngi ki long 307 ngut ha East Khasi Hills District, Ri Bhoi District 51 ngut, ha West Garo Hills 28 ngut, ha South Garop Hills 8 ngut, ha South West Khasi Hills District 7 ngut ha South West Garo Hills 3 ngut ha East garo Hill 2 ngut ha West Jaintia Hills 2 ngut bad ha East Jaintia Hills uwei. Ki briew ki ba la ioh ia ka jingkoit ba pura ki long 6981 ngut. Ki briew ki ba dang don ia ka ne ka jingpang ki long 1661ngut ki sample ki ba la dep ban phah ki long 193190 tylli ki ba long negative ki long 184470 tylli.