950ngut kiba iap na ka jingpang corona ha ka shi sngi ha Spain

Ka jingiap briew ha Spain, ka la poi sha ka 950ngut ha ka shisngi, na ka jingpang coronavirus.

Katei ka jingiap, ka dei kaba bun eh, kaba la iai bteng la lai sngi kynthih bad katei ka long 849ngut ha ka sngi hat majai, 864 ngut ha ka sngi balang bad sa 950ngut ha ka sngi balang bad haduh mynta ka sngi.

Ka jingiap briew ha Spain, haduh mynta, ka la poi sha ka 10,000ngut bad kaba la poi baroh sha ka 10,003 ngut haduh mynta.

Kito kiba ioh pang thymmai, ki don mynta 8,102 ngut ha ki 24 kynta ba ladep bad baroh kiba ioh pang na katei ka khlam, ki la poi mynta sha ka 110,238ngut.