94ngut ha ka shisngi, kiba ioh pang khlam Covid ha Shillong

Shillong: Hynnin ka sngi, ki don 94 ngut kiba ioh pang khlam covid 19 ha ka Jylla bad kitei ki kynthup ia 70ngut ki shipai BSF. Haduh mynta, ki don 189 ngut baroh kiba ioh pang ha ka Jylla.

Hynnin ka sngi, ka dei ka sngi kaba bun tam kiba ioh pang ha ka shisngi. Kumta baroh kiba la ioh ia kane ka jingpang, naduh kaba sdang ki long 234 ngut.

U Dr Aman War, DHS (MI), u iathuh ba kitei kiba ioh pang khlam ha ka sngi thohdieng, ki kynthup ia 70 ngut ki BSF, nangta sa 18 ngut ki riew paidbah na East Khasi Hills District, 5 ngut na Ri Bhoi bad uwei na East Jaintia Hills.

Baroh na ki 189 ngut, ki kynthup ia 161 ngut na East Khasi Hills, ha kaba 132 ngut ki dei ki shipai BSF, 2 ngut ki shipai suin, 27 ngut ki riew paidbah, 20 ngut na Ri Bhoi, 6 ngut na West Garo Hills bad 2 ngut na East Jaintia Hills bad 45 ngut na kitei ki dei kiba jem na ka jingpang.