92 tylli ki masi kurup na Nongshken

Shillong, 9 ïaiong:
92 tylli ki masi kiba shongdor T.15 lak tyngka la ioh ban kurup na kawei ka khlaw kaba don ha Nongshken kaba hap hapoh Pynursla PS bad la ong ba kitei ki masi ki dei kiba la thmu ban khaïi tuh sha Bangladesh. Ia kitei ki masi la ioh kurup da ki shipai BSF bad ki pulit katba ki dang khynra masi khaii tuh sha Bangladesh ha katei ka thaiñ. La ong ba ki nongkhaii masi ki buhrieh ha kitei ki masi ha ki khlaw kiba rben bad ki ap ban ioh ia ka lad ban pynrung sha Bangladesh, la iathuh ruh ba ki la ioh jingtip ba ki nongkhaii masi nangne na India bad Bangladesh ki don ka jingiadei kaba ia jan bha bad ki buddien bha ia ka iaid ka ieng ki BSF ban iohlad ban pyniaid ia ki masi.