91ngut kiba ioh 100 ha ka eksamin Matrik

Shillong, 3 Naitung: Katkum ka resol ba ka MBOSE ka la pynmih mynta u snem la I ba ki khynnah ba ia khun ia ka eksamin Matrik ki kham suk bad ki kham leh bha ia ka sobjek Jingkheiñ (Mathematics), Saian (Science and Technology), komputor ( Computer), Social Studies bad ka Health Education) ha kaba ki la don bun ngut ki khynnah kiba la ioh 100 na ka shispah ha kitei ki sobjek.
Ha ka Sobjek Jing kheiñ ki la don haduh 45 ngut ki khynnah kiba la ioh 100 na ka shispah, 12 ngut kiba la ioh 100 ha ka Sobjek Science and Technology, 6 ngut ha ka sobjek Social Stdies, 15 ngut ha ka sobjek Computer Science bad 13 ngut ha ka sobjek Health Education. Haba ia nujor bad ki snem kiba la leit la iohi ba dei tang mynta u snem ba kiba bun ki khynnah kiba ialeh ia ka eksamin Matrik kiba la ioh 100 na ka 100.Haba phai sha ka klas XII Science pat la don tang marwei ba ioh 100 na ka shispah bad dei i Dutiful Nongbsaw na St.Anthony’s Higher Secondary School, Shillong ba la ioh ha ka sobjek Chemistry.Ha ka klas XII Commerce bad Arts ym shym la don kiba ioh 100 na ka 100.