90ngut ki dkhot ka seng Congress, ki leit rung sha ka BJP

Shillong: 90 ngut ki dkhot ka seng congress ha Khliehriat, ki la pyniasoh sha ka seng BJP, hynnin ka sngi ha ryngkat ka jingplie ia ka ophis treikam jong ka party ha East Jaintia Hills District.

Hadien jong ka jingwan pyniasnoh jong u MLA barim ka Salmanpara u Winnerson D Sangma dang ha kine ki khyndiat sngi ba la lah bad ka jingwanrung jong ki dkhot thymmai na East Jaintia ka la nang pynkhlian shuh shuh ia ka party bad ha kine ki sngi ban sa wan yn sa nang sakhi shuh shuh ia ka jingrung ki kyrteng ba la kham paw ha ka politiks.

Ka don ka jingkhih napoh napoh kaba la nang pynksan ia ki rukom trei jong ka party hadien ba u Rikman G Momin ula jied ia ki nongkitkam kiba treishitom ban pynkiew ia ka seng. Ym lah ban nujor ba ka seng BJP ka dei ka seng sain hima kaba heh duh ha pyrthei. Ka jingtrei shitrhem jong ka kynhun jong u Rikam ka paw lyngba ka jinglah jongki ban pyniar ia ki shnat treikam jong ka seng ha man la ki konstituensi.

Haba kylli na ki nongrung dkhot thymmai kaei kaba pynlong iaki ba iehnoh ia ka seng congress uwei na ki ula jubab ‘Nga rung noh sha ka BJP hadien ba nga iohi ia ka jinglah jong ki nongkitkam ka party ban pynsngewthuh sha ki paidbah ia ki skhim bapher bapher jong ka sorkar BJP bad kane ka la pynktik ia ka mynsiem jong nga’. Sa iwei na ki nongrung dkhot ila bynrap ‘ ba ha ki jylla ba synshar ka BJP ka roi ka par kala nang kiew ynda ia nujor bad ka jylla jong ngi bad ka la wan ka por ba ki paidbah ka jylla ki dei ban pdiang ia ka BJP kumba pdiang ia kiwei ki national party namar ka BJP kan sa nang iai synshar ha Delhi hapoh ka jingialam u PM Modi bad kan nym myntoi lada ka jylla jong ngi kam iasnoh kti lang bad ka party’.

Haba iakren bad u president u Rikman Momin ula ong ‘Ki paidbah hi ki dei ki nongrah khubor ia ki kambah baka BJP ka leh hapoh ka jingialam u myntri rangbah duh ka ri u Narendra Modi ban kyntiew ia ka ri bad ban kham sngewthuh shai ia kiei kiei baroh iakren bad kito kiba la ioh khiet ia u soh lyngba ki jingiarap babun ba la wan na ki skim u Modi bad shim ruh ia ki jingsngew jong kito kiba la iakynduh bad ki nongkitkam ka party kiei ki jingpynshai ba ki ioh kaba lah ban wanrah jingkylla ha ka jingim jongki’