900ngut kiba iap ha Israel “Ki Hamas, ki dei ki juh kum ki ISIS” ong U Netanyahu

Tel Aviv: Ka jingiap ha Gaza, na ka jinghiar thma jong ka Israel, ka la poi sha ka 680ngut bad ki don sa 3,700ngut, kiba mynsaw, na ka jinghiar thma kaba tyngeh jong ka Israel, sha katei ka thain, ha kine ki lai sngi ba ladep. Ha kawei pat ka liang, la iathuh, ba ki don 900ngut kiba la shah pyniap ha Israel, ha kaba ki ehrang Hamas, ki la pyniap kput, ia ki kynthei, khynnah ruh, khlem jingsalia.

U Netanyahu, myntri rangbahduh ka Israel, ula ia nujor ia ki Hamas bad ki ehrang ISIS “Ki Hamas, ki dei ki ISIS bad kumta ki jaitbynriew bapher, ki iatylli, ban pynduhjait ia ki ehrang ISIS bad ki bor shipai jong ki ri, ka pyrthei, ki dei ban kyrshan ia ka Israel, ban pynduhjait ia ki Hamas” ong U Netanyahu.