Shillong, 07 Naitung:
Ka jingialang jong ka Hills Farmer Union (HFU) kan long ha ka 9 tarik mynta u bnai ha Arts and Culture Hall, State Central Library Shillong ha ka por 1 baje nohphai sngi.
Katkum ka kyrwoh khubor na u bah W Lytan President jong ka Union u la iathuh ba ha katei ka sngi yn iakren ia kiba bun ki ishu kiba ktah ia ki nongrep bad ki bym shym la pynsngew satia haduh mynta.
U bah Lytan u la kyrpad ia ki paidbah nongrep bad kumjuh ruh ki seng nongrep bapher bapher ha ka jylla baroh kawei ba kin wan ban iashim bynta ha kane ka sngi bad u la kyrpad ruh ba kin ban pynsngew ia ki jingeh jongki ha katei ka sngi khnang ba yn lah ban iakren bad ki bor kiba dei khmih.
Ha katei ka sngi yn jied ruh ia ki nongkitkam kiba thymmai jong ka seng khnang ba yn lah ban pyniaid shakhmat ia ki mat treikam kiba yn sa pynsngew ha ki bor sorkar. Na ka bynta ki jingtip ba kham bniah lah ban phone ha u number 8575040707.
Phi don ban ong eiei?