9 ngut ki kyrtong MDC ka UDP ha ri lum Garo

Shillong, 11 Nailur:
Ka UDP mynta ka sngi ka la pyllait paidbah ia ka thup ba nyngkong jong ki kyrtong jong ka ki ban ia khun ha ka elekshon MDC ka GHADC ha ri Lum Garo. Ha katei ka thup nyngkong kaba la mynjur da u President Rangbah jong katei ka seng ki don 9 ngut ki kyrtong na ki District bapher bapher ka ri lum Garo. Kitei ki 9 ngut ki long u Penindro M Sangma na Siju Rongara Konstitwensi, u Plebirth M Sangma na Wa gesik Konstitwensi, ka Tengsil W Momin na Telsrong konstitwensi, u Anand M Marak na Kharkhutta, u Silman N Marak na Samanda, u Mahamsing M Sangma na Williamnagar, Henen M Sangma na Dalugre kon stitwensi, u Butther M Sangma na Amongpara konstitwensi bad u Tinash Momin na Tura Konstitwensi.
Katba ka NPP pat ka dang pynbna dang 19 ngut ki kyrtong elekshon jong ka ha katei ka Elekshon MDC ha GHADC kiba kynthup ia u Albinush R Marak na Siju, Sengal N Sangma na Wagesik, u Nilath S Marak na Silkigre, Pangrak Ch Sangma na Rongri Kimgre, Sengchim N Sangma na Gasuapara, u Meckenson Ch Marak na Babelapara, Stiner R Marak na Amonpara, Dr. Harvey Jimmy M Momin na Tura, Boston C Marak na Nogorpara, Dipul R Marak na Rochonpara, roynath D Sangma na Batabari, Benedick R Marak na Raksamgre, Grahambel A Sangma na Jengjal, Sukharam K Sangma na Rongrong, Rakman Ch Marak na Bolsong, Dolly K Sangma na Damas, Edbirth N Marak na Kharkhutta, Brilliant R Sangma na Samanda, Methrinson G Momin na Darugre bad u Denang T Sangma na Williamnagar.
Ka BJP bad Congress haduh mynta ruh kam pat pynbna ia ki kyrtong elekshon jong ki, hynrei ka GNC ka la dep ban pynbna 3 ngut ha ka thup ba nyngkong eh jong ka. Ka BJP la sngewthuh ba kan pynieng kumba 5 ngut ki kyrtong ha katei ka elekshon ha GHADC.