9 bnai dum ka Nongdom-Mawphlang

Shillong, 10 Nohprah:
La kumba Khyndai bnai ka shnong Nongdom Mawphliang ka la shongdum bad ka daw ka dei namar ba ka MeCEL kam shym la shna ia u Transformer ha katei ka shnong uba la sniew noh.
Halor kane ki riew rangbah ka shnong ki la leit ban ujor sha ki bor ka MeECL, na bynta ban bujli da uwei u Transformer ha jaka utei uba la sniew, ba ki paidbah nongshong shnong kin ioh biang ia ka bording ha ka por mynmiet myniong hynrei haduh mynta la palat 9 bnai ka MeECL kam shym la leh eiei.
Katkum ki tyllong khubor ba la ioh lum ki iathuh ba ki briew ka MeECL ki leit ban lum pisa man u bnai na kito ki longiing kiba ai light, watla kim ioh satia ban pyndonkam ia ka bording elektrik.
Ki rangbah ki la pynpaw ba ka jinglehsting ka MeECL ban pynbiang bording ha ka thain Ri Bhoi Sepngi, ka la pynjew slew ia ki paidbah katba ka pisa pat ka wan lum man u bnai katkum ki bill ba la phah na ka ophis.