8ngut kiba ioh covid-19 ha ka Jylla, ki la jem na ka jingpang

Shillong: Ki lad khubor, ki iathuh ba na ki 11ngut kiba ha iing jong u nongpang Covid-19, ba nyngkong, la dep test biang, kynthup ia kito ki phra ngut kiba don jingpang lane kiba long positive; hynrei la lap ba kitei mynta kim don jingpang shuh, lane ki la long negative.

Katei ka result, ka dei kaba ioh mynta ka sngi, ong ki lad khubor sorkar.

Ka sorkar Jylla, lyngba U bah AL Hek, myntri ka koit ka khiah, hynnin ka sngi, ka la pynthikna ba kitei ki phra ngut, ki dang phah test biang bad u myntri u pynthikna, ba ia ka result kaba pura shaphang ka jinglong ka met jongki, yn tip thikna mynta ka sngi.

Haduh mynta ka sorkar Jylla, kam pat ai ka jingtip kaba shai, halor ka jinglong jong ka jingsumar ia kitei ki phra ngut, la ki jem pura ne em.