Shillong: Ki don katto katne tylli ki kotkhubor, kiba thoh mynta ka sngi, ba kumba 8,9 ngut ki MLA Congress, ki kwah ban pyn iasoh ialade sha ka seng National Peoples Party (NPP).
Haba iakren bad kitei ki katto katne tylli ki kotkhubor, U Ma Sniawbhalang Dhar, uba dei u myntri ka sorkar Jylla, u kam ba kitei ki MLA, ki la ia kynduh ia u. “Ki la wan ia kynduh ia nga ruh, ha kaba ngi la shu sngap, ia kaei kaba ki la kren bad pynpaw, hynrei haduh mynta ngim pat iakren satia ia kane ka bynta hapoh ka parti ne ban rai eiei” ong u myntri.
Lah ban pynkynmaw, ba ha ki khyndiat taiew ba ladep, ba ka la mih ha kawei ka kotkhubor Khasi, ha kaba la thoh, ba ka la don ka jingiakren ha Jaintia hills, ha kaba kiba bun, ki kwah ban pynkiew kyrdan myntri rangbah ba ar noh ia U Ma Sniawbhalang Dhar, uba la dei uwei na ki nongialam ba rangbah na Jaintia Hills.
Kham mynshwa, ka Jaintia Hills, ka la don ia U Ma RC Laloo, uba la long u myntri rangbah ba ar, ha ka por jong ka sorkar jong U Mukul Sangma, ha ki snem 2013-2018.
Kiwei pat ki khubor, ki kam ba ki don kumba 12, 13 ngut ki MLA jong ka seng Congress, kiba la ia kynduh bad ki nongialam jong ka seng BJP, ha kaba ki kwah ban pyniasoh ialade sha katei ka seng bad ba kin mih noh na ka seng Congress.
I don’t like any congress leader to be part of MDA govt.conrad had commit a terrible mistake to give to Sniawbha coming and so on.Remember conrad some day these shiefted congress lover will led your party down.if i were you i wound gave them NPP ticket.