Ka jingpang coronavirus ha Italy, ka la bam mynta sa 889ngut ha ka shisngi bad kaba poi sha ka 10,023 ngut kiba iap ha katei ka ri haduh mynta, iathuh ka Civil Protection Agency bad katei ka dei ka jingiap kaba jur bha, naduh ba ka sdang katei ka khlam ha ka 21tarik Rymphang 2020 ha Italy.
Ka jingiap ka dei kaba la jur shi katdei, ha kaba ka dei ruh ka jingiap kaba bun tam ha ka pyrthei haduh mynta.
Ka sorkar India, ka la rai ban ai bam ei kaba long lai sien bam shi sngi, ia ki shilak ngut ki riew khlem iing, kiba don kumba 1,500 tylli ha ki jaka sor bapher jong ka Ri.
Ka Pakistan, ka iathuh ba ki don palat 12,000 ngut, kiba ioh ia katei ka jingpang COVID-19 bad la iathuh ba ka jingpang ka jur bha ha ki bynta jong ka Jylla Punjab, kaba dei ka Jylla jong katei ka Ri.
U Zafar Mirza, uba dei u nongkren jong ka sorkar, halor ka koit ka khiah ha katei ka Ri, ha kaba u iathuh ba ki don 12,218ngut kiba suba na katei ka jingpang ha katei ka Ri, ha kaba haduh myntaki don 1,408 ngut kiba la thikna, ong shuh utei u nongkren.
Nga dei uwei na ki nongpule ba sngewtynnad bha ban pule ia ki khubor jongphi namar dei tang U Rupang ba lah ban update man Ka por ia ki khubor ba donkam, hynrei sngewbha check ia kine ki figures harum ba phi ong 12,000 ngut, namar katkum ba ngi peit na Worldometer haduh mynta Ka total Case ha Pakistan ka long 1495 ngut. Lada nga bakla sngewbha pynbeit bad wat sngew ei ei.
“Ka Pakistan, ka iathuh ba ki don palat 12,000 ngut, kiba ioh ia katei ka jingpang COVID-19”