878 tylli ki jingthiah covid kiba thylli, ym don nongpang uwei ruh ha Umsawli

Shillong:Baroh ki jaka thiah, na bynta kiba pang covid 19, ki don 1,111 tylli bad na kitei ki don 233 tylli ki jingthiah, kiba ki don ki nongpang covid 19, katba ki jaka thiah, kiba thylli ki don 878 tylli.

Ka Civil hospital, ka don 40 tylli ki jingthiah, kiba pyn donkam ia kiba pang corona, ka Ganesh Das, ka don 18 tylli ki jingthiah, ia kiba pang corona, ka RPCH ka don 8 tylli ki jingthiah ia kiba pang corona, ka Bethany hospital 17 jingthiah, BSF hospital 8 jingthiah, MIMHANS 3 jing thiah, Military hospital 2 jingthiah, NEI GHRIMS Hospital 30 jingthiah, Nazareth Hospital 29 jingthiah, Robert Hospital 17 jingthiah, Super Care hospital 20 jingthiah, Woodland hospital 11 jingthiah, Civil hospital Nongstoin 3 jingthiah, Tirot Sing Memorial Hospital, Mairang 3 jingthiah, Mini Secreteriat, Mawkyrwat shi jingthiah, Civil Hospital, Nongpoh 5 jingthiah, Woodland hospital, West Jaintia shi jingthiah, MCH Hospital, Jowai 3 jingthiah, Dr Norman Tunnel Hospital, Jowai, 3 jingthiah, Civil hospital Tura 8 jingthiah,
Ka Covid step down hospital, kaba don ha Umsawli, ka don 120 tylli ki jingthiah, hynrei kam don nongpang satia,wat tang shi jingthiah ruh.