Ka jingiap briew ha Spain, mynta ka sngi, ka poi sha ka 864ngut bad ka dei ka jingiap kaba bun tam ha ki ar sngi kynthih bad kiba ioh pang ha katei ka Ri, ki poi mynta sha ka 100,000 ngut.
Ka jingiap ha ki 24 kynta ba ladep, ka long 864ngut bad kiba iap mynta ki la poi sha ka 9,053. Ka jingiap ha shwa jong ka 24 kynta ka long 849 ngut.
Kiba dang ioh pang thymmai, ki don 7,719 ngut bad kaba poi mynta sha ka 102,136 ngut, na kaba long 94,417 ha ka sngi hat majai.
Ka jingiap ha Spain, la iohi, kumba ka ia beh mynta bad kaba jia ha Italy, ha kaba ki la poi sha ka 12,500ngut kiba iap ha Italy.
Ka jingiap haduh mynta ka jur bha ha ki bynta jong ka nongbah Madrid, ha kaba ki don 3,865ngut bad sa 30hajar ngut kiba ioh pang bad katei ka la buh jingeh ia ki hospital, ha kaba wat ki jaka buh met iap ruh ki la khap ngiah sbak.
Ka jingiap ha Europe, mynta ka poi sha ka 30hajar ngut bad sa kiba ioh pang, kiba don 450,000 ngut.
Phi don ban ong eiei?