85 percent poi ha East Khasi Hills, 87 percent tang ha Secretariat

Shillong ,14 Nailar:
Ha ka sngi pakhang shnong ka HNLC hynne ka sngi, ka sorkar ka la ong ba ka jingwan jong ki nongtrei ka la long 87.5 percent tang ha East Khasi Hills bad ha Secretariat ka long kumba 87 percent.
Ka HNLC ka la khot ia ka pakhang shnong kaba 48 kynta ban pyr shah ia ka jingkhang tih dewiong ka NGT b bad ruh ia ka sngi laitluid ka ri India.
Watla ki dukan, ki iew ki la khang hynrei ki kali ki iaid bun bha ha ka nongbah. Bun bah ki taksi kami ki la iaid ha surok, wat la ki nongleit nongwan ki duna bha. Hynrei la iohi ruh bun ki dukan shnong kiba plie ha kane ka sngi bad ki khynnah rit ba ialehkai ha surok bad pynher kot kudi. Ka sorkar ka la pynjur ia ka jingpahara ha ka nongbah ban lait na kano kano ka jingjia. Kam shym don kano kano ka jingjia haduh ba thoh ia kane ka khubor.