85 ngut kiba ioh pang covid, kynthup ia 46 ngut na East Khasi Hills

Shillong: Kiba ioh pang covid mynta ka sngi, ki don 85 ngut bad na kitei ki kynthup ia 46 ngut ha East Khasi Hills.

Na kitei kiba ioh pang ha East Khasi hills, ki kynthup ia 35 ngut kiba dei ki high risk contact, hynriew ngut ki shipai, iwei iba don jingpang jyrhoh shitmet (ILI), arngut ki bym lah ring pynhiar mynsiem (SARI), iwei iba wan phai na shabar bad iwei i nongtrei ka tnat ka koit ka khiah.

Ha West Garo hills, ki don 18 ngut bad ki high risk contact, ki don 9 ngut, kiba leit ban test ialade iwei, kiba wan phai na shabar 7 ngut, kiba na Mahendraganj iwei.

Ka South West Garo Hills, ka don 14 ngut bad kitei ki kynthup ia 11 ngut ki high risk, ar ngut ki nongniah kali, uwei u shipai.

Ha East Garo Hills 2 ngut, baroh ki dei ki high risk, ha South Garo Hills, ki don ar ngut, iwei i high risk bad uwei u pulit. Ha Ribhoi District, ki don ar ngut, iwei iba ioh pang shitmet, jyrwoh, iwei iba wan phai na shabar. Ha East Jaintia Hills, i don iwei iba wan phai na shabar.

Kiba la jem ki long 283 ngut mynta ka sngi bad kitei ki kynthup ia 172 ngut na Ribhoi District, nangta 64 ngut na East Khasi Hills, South Garo hills 15 ngut, West Jaintia Hills 14, South West Garo Hills 8ngut, West Garo Hills 4 ngut, West Garo Hills 4, East Jaintia Hills 3 ngut. Don ruh uwei uba iap mynta ka sngi.