833ngut, bam briew ka khieshoh sniang

New Delhi,
23 Rymphang:
Ka khieshoh sniang, ka la pyniap briew sa 21ngut, ha kaba ka jingiap mynta ka la poi sha ka 833ngut bad sa ka jing pang jong kitei kiba don ia ka jingpang khieshoh, ka poi mynta sha ka 14,000 ngut.
Na ka liang jong ka tnat ka koit ka khiah ka sorkar India, ka kam, ba ki briew, kiba iap haduh ka 22tarik Rymphang, ka la poi sha ka 833ngut bad nangta sa kiba la kem pang, ka la poi sha ka 14,484ngut.
Kiba iap bun eh, ki dei ha Rajasthan, ha kaba ki la iap 214ngut haduh ka 22tarik Rymphang bad nangta sa 4,549ngut kiba kem pang bad nangta sa 207ngut kiba iap ha Gujarat bad kiba pang, ka long 3,107ngut. Ha Mad hya Pradesh, la iathuh ba kiba iap ki don 112ngut bad 99ngut ha Mahara shtra bad 1,013ngut kiba pang.