83.74% thep vote ha South West Garo Hills

Shillong, 17 Jymmang:
Ka South West Garo Hills district ka dei ka District kaba la wan bun tam ki nongthep vote ha ka elekshon MP shiteng samoi ha Tura Parliamentary Konstitwensi ha kaba ka jingwan poi ki nongthep vote ka kot haduh 83.57%.
Napdeng ki lai tylli ki Assembly konstitwensi ha katei ka District ka jingwan poi ki nongthep vote ha 53-Ampati ka long 83.26%, ha 54-Mahendraganj 84.32% bad ha 55-Salmanpara 83.57%. Hadien ka jing thep vote la set bha ia ki EVM ha ophis u Deputy Commissioner ha Ampati ha kaba la pyndait bha ha ryngkat ka jingiadonlang ki nongpeit pyrman bad ki ophisar ka tnad elekshon bad ha ryngkat ka jing donlang ki ba mih khmat na ki seng saiñpyrthei.