Tehran: Ka Iran ka tyrwa ia ka buskit kaba $80 million bounty, na ka bynta ban pyniap ia U Donald Trump, President jong ka United States of America, na ka daw, ba u pyniap ia u heh shipai ka Iran, U Major General Qasem Soleimani.
Ha ka jingkren telebishon da u heh shipai jong ka Iran, hynnin ka sngi, la ong ba yn dain kuna $1, na uwei pa uwei u nong Iran bad ia katei ka pisa, yn siew ia uta uba ioh ban pyniap ia U President ka America.
“Ka Iran, ka don 80 million ngut ki nongshong shnong bad katba kum ka jingdon jong ki nongshong shnong, ngin pynmih pisa $80 million, kaba dei ka khusnam ia kito ki ban ioh ban pyniap ia U President Trump,” la iathuh.
Hynnin ka sngi, U MP jong ka Iran, U Abolfazl Aboutorabi, ula byrthen ban hiar thma ia ki ktem bah jong ki jaka sain pyrthei jong ka America. “Ngi lah ban hiar thma ia ka White House bad ngin hiar thma beit beit ha ki jaka jong ka America” ong shuh shuh U Aboutorabi.
Phi don ban ong eiei?