Shillong:Ka seng Hynniewtrep National Youth Movement (HN YM) seng kmie, ka la dawa na ka sorkar Meghalaya, kaba la dep ban buh ia ka dorkhas, sha u Myntri rangbah ka jylla u Conrad K Sangma ha ka 1 tarik mynta u bnai 2022, ha kaba ia dei ban ka jingdawa na ka sorkar ba dei ban shim ka sien jam ban pyntreikam ne ban wanrah noh ia kata ka ain ka kyndon ha kaba ia dei bad ka jing bhah kam ia ki samla ka Bri u Hynniewtrep kaba long haduh 80 percent ha ki private sector.
Kane ka seng ha kaba la ialam da u President u Bah Louis Dohtong, haba pynshai sha ki nongthoh khubor, myn ha ka sngi Balang ka 13 u Naitung 2022, ba kane ka jingwanrah ia ki company ne ki factory hapoh ka jylla, kim shym don kano kano ka jing iateh kular bad ka sorkar Meghalaya ban ai kam ai jam ia ki trai muluk.
U Bah Louis, ula ong ba bun ki samla khasi kiba la pyndep ia ka jingpule ha ki kyrdan kiba ha jrong, namar bun ki samla hapoh ka jylla kiba khlem kam khlem jam, kiba la dep pule ki duh noh ia ki kyndon ain, namar ka sorkar ka khlem la thaw shuh shuh ula ong ba kane ka jing bym ioh kam ioh jam ki samla ka wanrah ia ki jing jyllei jong ki kam sniew hapoh ka jylla.
Lada ka sorkar ka la long kaba la pynkhat bad shim jingkitkhlieh ia ka lawei ki samla kin jin da lalong, kita ki samla kiba dih ki jingdih pynbuaid bad kim pynthoh bria ia ka jylla, namar ka ki samla ki long ka lawei ia ka Ri bad ka Jaitbynriew, hynrei lada ki samla kim don kata ka kam ka jam ban pynphyrnai ia ka jylla, shaei ka la wei ki khun samla kin shu im sah ha pdeng ka jingduk jing kyrduh ka ban sa hiar pateng ia ki khun ki kti, ka long kaba ma lada khlem kam.
Ka jingiohi jong utei U President, ka long ba bun ki company ne ki factory hapoh ka jylla, kiba ioh kam dei tang ki bar jylla bad ula iathuh shai kdar ba naduh u snem 2020 ba la ioh kynduh u Deputy Chief minister, u Bah Prestone Tynsong, bad kaba u ong “Lada ka seng ka lap ia ki company kiba khlem pynrung kam ia ki samla hapoh ka jylla, ka dei ban shim ka jingkit khlieh ban pyntip sha ka sorkar” bad halor, U bah Dohtdong, ula ong “Kane ka jing kren laplah jong u Prestone ka pynlong kam kai bad kaba ngim lah ban pdiang”.
Na ka liang ka seng HNYM, kaba pynbna sha ki baroh ki District ka Bri u Hynniewtrep ba kin pynlong ka jing pynshai paitbah ka ban long ha ka 27 tarik mynta u bnai ka ban sdang na Motphran ba ha kane kin don ki riew shemphang ki ban don ryngkat ha katei ka sngi ban kren ia ka jingeh ki samla Khasi.
Phi don ban ong eiei?