Shillong: 8 ngut ki MDC jong ka JHADC ki ban sa rung noh sha ka party BJP mynta ka sngi ha ka jingdon lang ki nongialam na Delhi. Ki MDC ki ban rung mynta ka sngi sha ka BJP ki long 4 ngut na ka Congress bad 4 ngut na ka UDP.
Ki 4 ngut ki MDC na ka party UDP U Ma Lakhon Biam, u chairman jong ka JHADC, U Ma Dawan Lyngdoh, u Krison Langstang bad U ma Treilang Suchiang.
Ki 4 ngut na ka party Congress ki kynthup ia U Ma Andrew Shullai, CEM barim ka JHADC, U Ma Arbor Hima Darnei, u Holando Lamin bad U Ma Ai borlang Shadap.
U Bah David Kharsati Vice president jong ka party BJP Meghalaya State Unit u la iathuh ba ia ka jing pdiangburom ia ki MDC na JHADC sha ka party BJP kan long mynta ka sngi ha ophis jong ka party ha Bivar Road Shillong.
Haba phai sha ka seng Congress kaba la jop saw ngut ki MDC hapoh ka iing dorbar jong ka JHADC, da ka jingmih noh ka jong ki ban pyniasoh sha ka BJP mynta ka sngi, ka Congress ha katei ka District kala duh ia ki nongmih khmat paidbah hapoh katei ka iing dorbar.
Phi don ban ong eiei?