8 na Shillong, 2 na Tura kin iakhun MP

Shillong, 23 Lber :
Phra ngut ki kyr tong ki la thep kyrteng ban iakhun na Shillong Parliamentary Constituency katba na Tura Parliamentary Constituency kiba thep kyrteng ki don tang ar ngut.
Ki 8 ngut ki long u Bah Denis Siangshai, ka Kong Ivoryna Shylla bad Pastor PBM Basaiawmoit ki la thep kyrteng kum ki kyrtong shimet katba u Bah Vincent H Pala na Congress, Bah Pual Lyngdoh na UDP, Bah Shibun Lyngdoh na BJP, Bah Richard Shabong na CPI, Bah Armerington Kharshiing na ka Aam Aadmi Party ( AAP).
Na Tura Parliamentary Constituency, ki don tang ar ngut kiba thep kyrteng mynta. Kiba la thep kyrteng ban iakhun na Tura ki dei tang u nongialam ka National People’s Party ( NPP) u Purno Agitok Sangma uba dei ruh u Lamphang barim ka ïing Dorbar Lok Sabha bad u Daryl William Momin, u kyrtong ka Congress.