8 jait ki sabon, kiba iaid iew bha ha kylleng ka Ri Khasi, ong ki mahajon

Shillong: Ki mahajon dielang ha Iewduh ki iathuh ba ki lah ban die iaki jait sabon baroh khoit ba ki wan rah ha Shillong,naduh u Vivel, Lux, Lifeboy, Dyna,Rexona, Jo, Boy,Dettol bad kiwei kiwei.
“Shong ka sngi ka sngi ba ngi lah ban die, malu mala ngi die 30 synduk shi sngi,”la iathuh ki katto katne ki mahajon.
Ia kane, ki la iathuh mynnin ka sngi haba iakren bad u Rupang.
Ka jingioh nong na kawei ka synduk ki iathuh ba tang haki dor 20 ne 30 tyngka eiei.
Ka jing pyniaid iaki ne ki sabon ka dei sha baroh kawei ka lum khasi,naduh ki thain Jowai sha Pynursla sha Mawsynram,sha Mawkyrwat,sha Balat,sha Nongjri Borsohra,sha Nongstoin,sha thain Bhoi bad kiwei kiwei de ki jaka hapoh ka jylla jongngi.
Haba shu peit na kaei ba ioh lum haneng, lah ban iohi ba ka jing die ka long 6000 tam shi sngi kawei kawei ka jait sabon,bad ka jingioh lum pisa kan ong kumba 1000 tyngka na kawei ka jait sabon.
Haba phai pat sha u dawai shutbniat (toothpaste), ki iathuh ba kham bun ba ki paitbah ki kham wad dei ia u Colgate bad ki lah ban pyniaid bha bad ka jinglah ban die ka long 40 song eiei.
Ka jingiohnang na kawei ka song ka long kumba 20 tyngka.
Ka jingioh lum pisa na kane ka dur kan long kumba 800 shi sngi, haba pyn shongdor nakaei kaba ki iathuh.